Te Rangitaki Tua1 o te Tau!!

Te Kakano + Te Pihinga = Te Kura Teina

He tau hou tēnei!! Kua hono a Te Kakano me Te Pihinga !!

Nā reira...pānui mai...waiho kōrero mā ngā tamariki. 

Ngā Kīwaha o Te Wāhanga Tua1

Pāruhi kē!!!

Hara mai te toki!!!

Kei tawhiti koe!!

Paiā!!

Autaia!!

Hūkere te hoe!!

Me he tē!!

Anei ētehi kīwaha o te wāhanga!! 

Ētehi mahi o te wāhanga

Kauhoe 

I ngā ahiahi, i haere mātou ki ngā puna o Ōterepo. I kauhoe i ngā kaiako, i ngā tamariki i roto i tēnei punawai. 

Ngā whāinga:

1. Kia whakapiki i te māia i roto i te wai.

2. Kia ako ai ētehi o ngā āhuatanga o te kauhoe.

3. Kia hari, kia koa ngā ahiahi.

Ope Tauā

I te wiki tua7...

1. Wainoni

2. Pouakai

3. Manatū

4. Tuawera

5. Te Iringa o kahukura

Ngā mahi i roto i te Akomanga

Tuhituhi - Ngā kupu waiwai

Pānui Pukapuka

Te Taha Pāngarau

He aha ngā mea makau ki a koe Charlie?

Ko Te Aho Matua

1. TE IRA TANGATA

Ahakoa iti. He iti mapihi pounamu

He kakano i ruia mai i Rangiatea. E kore ia e ngaro

Kia marama rawa te hunga whakaako ki te ahua o te tangata, katahi ano ka taea te hanga kaupapa whakaako mo te hunga tamariki.

1.1 Nō ngā Rangi Tuhaha te wairua o te tangata. I tona whakairatanga ka hono te wairua me te tinana o te tangata. 1 tera wa tonu ka tau tona mauri, tona tapu, tona wehi, tona iho matua, tona mana, tona ihi, tona whatumanawa, tona hinengaro, tona auahatanga, tona ngakau, tona pumanawa. Na ka tupu ngatahi te wairua me te tinana i roto i te kopu o te whaea, whānau noa.

1.2 Tino motuhake enei āhuatanga katoa. Ko tenei hoki te kakano i ruia mai i Rangiatea. E kore ia e ngaro. Engari, ko ta ngā matua, ko ta te whānau, ko ta te kura hoki, he mea awhi, he mea whangai, he mea whakaako i te tamaiti kia tupu ora ai tona katoa i roto, i te tika me te maungarongo.

1.3 Kia pakeke te tangata, kei a ia ano ana tikanga, mana ano e whakatau ko tewhea te huarahi e hiahia ana ia ki te whai, otira e tika ana mona. Heoi ano, ahakoa iti ahakoa rahi kei a ia tenei. Engari, mehemea i tipu ora tona katoa, e kore ia e paheke ki te he.

1.4 Ko te ngakau te mata me te kuaha o te wairua. Otira, ko te whiu o te kupu, ko te wero, ko te riri, ko te aroha, ko te humarire, me enei āhuatanga katoa he mea kuhu ki te ngakau titi tonu ki te wairua. Koia nei te timatanga o te korero 'kia ngakau mahaki'. Ma tenei hoki ka tika te korero 'He oranga ngakau he pikinga waiora’.

1.5 He tapu te tangata ahakoa ko wai. Kohungahunga mai, tamariki mai, taipakeke mai, kaumatua mai, he tapu katoa. Kia kaua te hunga o ngā Kura Kaupapa Māori e tukino, e whakaiti, e whaka‑parahako i te tangata, e mahi puhaehae ranei ki etahi atu. Kia ngakau mahaki ratou ki a ratou, ki te iwi whanui, ki a Tauiwi hoki.

1.6 He tapu to te wahine he tapu ano to te tane. Kia kaua tetahi e whakaiti i tetahi. Engari kia whakanui tetahi i tetahi i runga i te mohio ma te mahi ngatahi a te wahine me te tane e tupu ora ai ngā tamariki me te iwi hoki.

Kotiro, he mokopuna koe na Hinetitama
Waiwai ana ngā karu te tirohanga atu.

1.7 He tapu te tinana o te tangata. No reira he mahi nui tera, ko te whakaako i te tamaiti ki ngā āhuatanga whakapakari i tona tinana, kia tupu ai tona hauora. Kia mohio te hunga tamariki ki ngā kai pai, ki ngā kai kino. Kia mohio hoki ki te painga o te korikori tinana, o te mirimiri tinana, o ngā rongoa a Tane Whakapiripiri. Kia kaua ia e tukino i tona tinana i te tinana hoki o tetahi atu.

💖💖💖💖💖💖